Жұмашев Мейрамбек Тоғысұлы

№1 «Арал» сайлау округінен сайланған

 облыстық мәслихат депутаты, Кәсіпкерлікті дамыту

мәселелері жөніндегі тұрақты комиссия мүшесі

 

 

1978 жылы 30 сәуірде Қызылорда қаласында дүниеге келген. 1998 жылы Қорқыт Ата атындағы Қызылорда мемлекеттік университетін бизнес және еңбек педагогы мамандығы бойынша тәмамдаған. 2001 жылы Қазақ гуманитарлық – юристік университетін заңгер мамандығы бойынша бітірген.

Еңбек жолын 2000–2001 жылдары Арал аудандық сотында маман болып бастаған.

2002-2006 жылдары Қызылорда табиғат қорғау және Арал, Қазалы аудандық прокуратурасында прокурордың  көмекшісі.

2006 жылы Шиелі аудандық прокурорының аға көмекшісі.

2007 – 2009  жылдары Қызылорда облыстық прокуратурасының тергеу және заңдылықты сақтау бөлімінде аға прокурор, Қызылорда қаласы прокурорының орынбасары.

2009 жылдан «Тоғыс-Аралотын» ЖШС директоры қызметін атқарып келеді.

Қызылорда облысы әкімінің Құрмет грамотасымен, Арал ауданының «Жастар жанашыры» номинациясымен, «Ауданның үздік кәсіпкері» атағымен, Елбасының Алғыс хатымен, «Атамекен» Қазақстан Ұлттық экономикалық палатасының медалімен марапатталған.

Отбасылы, бес бала тәрбиелеп отыр.

VІ шақырылған Қызылорда облыстық мәслихатының депутаты.

«Нұр Отан» партиясының мүшесі.

 

 

САЙЛАУАЛДЫ БАҒДАРЛАМАСЫ

 

- Елбасы Жолдауы мен Ұлт жоспары, «Нұрлы жол» идеясын негізге ала отырып,  реформалар ауқымын барлық сатыда түйіндеуде өңірлік үлестің ара қатынасын зерделеу.

- «Сырдария арнасын реттеу және Арал теңізінің солтүстік бөлігін сақтау» халықаралық жобасының екінші кезеңі мүмкіндігіне орайластырып балық кәсіпшілігін өркендетуді біріздендіру, су тасқынынан түбегейлі қорғану кешенін жасау, экологиялық туризмнің мүмкіндігін ортақ игілікке айналдыру.

- Аймақ тұрғындарының қолжетімді баспанаға қажеттілігін оңтайландыруда жалға берілетін тұрғын үй құрылысының аймақта қанат жаюына үкімет тарапынан көрсетілетін қолдау игілігін жылдан - жылға молайту.

- 100 нақты қадам бетбұрысына шағын және орта бизнесті дамыту арқылы кәсіпкерліктің алуан түрлілігін қалыптастырып, ауыл шаруашылығы өнімдерінің үлес салмағын арттыруды қарастыру.

- Жаңадан ашылған өндіріс орындарына және жол картасы бойынша жас мамандар мен қайта даярлаудан өткен талапкерлерді жұмыспен қамтуға жұмыс берушілердің мүдделілігін Еңбек кодексін құрметтеу жауапкершілігімен сабақтастыру.

- Шағын қалаларды дамыту бағдарламасы ауқымында Арал қаласы көшелерін қар мен жауын суларынан құбыр және арық арқылы тазартуды көркейту, көгалдандыру, абаттандыру мақсатына икемдеу, мектеп пен балабақшаға барар жолдың жөнделуін, екінші теміржол өткеліндегі жүргінші мен көлік қозғалысының қауіпсіздігін қамтамасыз ету үшін аспалы көпір немесе туннель арқылы қатынау мәселесін өткірлеу.

- Экологиялық аймақ адамдарының денсаулығын нығайтуда созылмалы сырқаты бар науқастарды емдеудің кешенді жүйесін тәжірибеге ендіру, емдеу мекемелерінің осы заманғы диагностикалық құрылғыларымен бірінші кезекте жабдықталуына депутаттық корпусты жұмылдыру.

- Аймақтағы алғыр, бейімділігі ерекше балалардың Назарбаев зияткерлік мектебінде, олимпиадалық резерв спорт мектептерінде білім алуына мүмкіндік жасау, колледждерде кәсіби жұмысшыларды дайындау сұраныстағы мамандықтарға негізделуін бағдарлау.

- Аудан орталығын және іргелі елді мекендерде газдандыру жұмысын жалғастыра отырып, шалғайдағы ауыл тұрғындарының жылуға мұқтаждығын  қамтамасыз етудің қалыпты жүйесін сақтау.

- Тәуелсіздіктің 25 жылдығы мерекесін ұлықтау мақсатында облыстық кәсіпкерлік палатасы мақұлдауымен ауданаралық өзіндік өнім көрмесі, жәрмеңкелерін ұйымдастырып, қайырымдылық шараларын өрістетуге ұйытқылық жасау.

 

 

Құрылған күні: 02-02-2015 12:24
Жаңартылған күні: 22-04-2016 15:34

©  ҚЫЗЫЛОРДА ОБЛЫСЫНЫҢ ӘКІМДІГІ

Барлық құқықтар қорғалған және сақталған.

Сайттан мәлімет қолданған жағдайда түпнұсқаға сілтеме болуы міндетті

Яндекс.Метрика