ШАҒЫРТАЕВ ИМАМЗАДА ҚУАНЫШБАЙҰЛЫ

№ 11 «Бұқарбай» сайлау округінен сайланған облыстық мәслихат депутаты,

Экономика, қаржы және жергілікті басқару мәселелері жөніндегі тұрақты комиссия мүшесі

 

1969 жылы 25 тамызда Қызылорда облысы, Жалағаш ауданы, Таң ауылында  дүниеге келген.

1986 жылы Жамбыл гидромелиорация құрылыс институтының филиалына оқуға түсіп, 1993 жылы инженер-механик мамандығын алған.   

1993 жылы Таң совхозында механик.

1994-1998 жылдары Жалағаш аудандық «Асар» ассоциациясында инженер – механик.

1998-2003 жылдары Таң ауылдық округінің әкімі.

2003 жылдан «Таң ЛТД» ЖШС директоры қызметін атқарып келеді.

«Ерен еңбегі үшін», «Қазақстан Республикасының Тәуелсіздігіне-10 жыл», «Қазақстан Республикасының Тәуелсіздігіне-20 жыл» медальдарымен, облыс әкімінің Құрмет грамотасымен, аудан әкімінің Алғыс хаттарымен марапатталған.          

Отбасылы, үш бала тәрбиелеп отыр.

VІ шақырылған Қызылорда облыстық мәслихатының депутаты.

«Нұр Отан» партиясының мүшесі.

 

 

САЙЛАУАЛДЫ БАҒДАРЛАМАСЫ

 

- Қазақстан Республикасы Президентінің Қазақстан халқына арнаған жыл сайынғы дәстүрлі Жолдауын, облыс және аудан әкімі қабылдаған жоспарлары мен бағдарламаларын жан-жақты қолдай отырып, облыс халқының әлеуметтік-тұрмыстық жағдайын, егеменді еліміздің көкейкесті маңызды мәселелерінің оңтайлы шешілуі үшін еңбек ету.

- Осы округке қарасты ауылдардың инфрақұрылымдарын дамытуға, соның ішінде, аймақтардың санитарлық жағдайларының жақсаруына, елді-мекендерді таза ауыз сумен және аяқ сумен қамтамасыз етуге, көшелерге электр жарықтарын орнатуға, көгалдандыру жұмыстарын жүргізуге үлес қосу.

- Ауыл шаруашылығының жекелеген салаларын дамытуға, атап айтқанда «Құлан», «Сыбаға», «Алтын асық» бағдарламасына сәйкес ет және сүт өнімдерін арттыруға, сонымен қатар көкөніс, бақша дақылдарын дамыту үшін облыстық бюджеттен қаржы бөлінуге ықпал жасау.

- «Жұмыспен қамту - 2020 жол картасы»,  «Бизнестің жол картасы - 2020» бизнесті қолдау мен дамытудың бірыңғай бағдарламасы, ҚР агроөнеркәсіп кешенді дамыту жөніндегі 2013-2020 жылдарға арналған «Агробизнес-2020» мемлекеттік бағдарламалары бойынша ауылдық округтерде жұмыс жасалуын қамтамасыз ету.

- Күріш шаруашылығында техникаларды жаңарту және жаңа инновациялық технологияларды тарта отырып, егіс алқаптарын әртараптандыру арқылы сапалы өнімге қол жеткізу, сапалы минералдық тыңайтқыштар алу, сапалы тұқым алу, күріш шаруашылығында су мәселесін шешуге, жер учаскелерінің мақсатты пайдаланылуын қатаң бақылауға алып жұмыс жасау;

- Кәсіпорындар мен шаруашылықтарда қызмет атқаратын жұмысшылардың жалақы, зейнетақы, жәрдемақы және басқа да атаулы көмектердің дер кезінде берілуіне ықпал жасауға атсалысу.

- Ауылдық округтерде құрылатын ауыл шаруашылығы кооперативтерінің жұмысын жандандырып, ірілендіру жұмыстарын жүргізу, өндірілген өнімнің бір жерден жинақталып, сапалы түрде нарыққа шығарылуына жағдай жасау.

- Мемлекеттік жастар саясатын жүргізу бағдарламасы аясында жастарға арнап жаңа жұмыс орындарының ашылуына, ауыл жастарының кемелденіп дамуына және олардың абыройлы еңбек етулеріне жағдай жасау.

- Салауатты өмір салтын қалыптастыру, мәдени өркендеу және жасөспірімдер арасында патриоттық сезімді арттыру үшін жалпы қоғамдық іс-шаралар өтуіне, спорттық ойын сайыстарын үнемі өткізіп тұруға үлес қосу.

- Сайлаушылармен тұрақты кездесіп, мүдделері мен ұсынымдарын ескеріп, мәселелерін шешу үшін жауапты орындарға ұсыныстар қойып, дер кезінде өз шешімін табуға ықпал ету.

- Облыс көлемінде дағдарысқа қарсы жасалған бағдарламалардың жүзеге асырылуына жергілікті атқарушы органдармен бірлесе отырып, жүйелі жұмыстар жүргізілуіне атсалысу.

 

 

 

 

 

 

Құрылған күні: 02-02-2015 11:42
Жаңартылған күні: 22-04-2016 14:38

©  ҚЫЗЫЛОРДА ОБЛЫСЫНЫҢ ӘКІМДІГІ

Барлық құқықтар қорғалған және сақталған.

Сайттан мәлімет қолданған жағдайда түпнұсқаға сілтеме болуы міндетті

Яндекс.Метрика